徐燦傑：I.T(00999)進軍內地更添潛力

東方產經「金融徐筆」專欄作者徐燦傑：大家成日行街，對唔同公司的生意狀況，理論上都好熟悉，係咪？講起時裝，除電話成日換新裝之外，要出街見人，少不免成日買番幾件「戰衣」，係咪？呢類型公司，食正潮流同風潮，就飛得上天，仲可以令有眼光之股東都大賺一筆，都咪話唔和味。

I.T(00999)，想當然大家都有聽過，冇聽過都有見過，皆因佢周街都係地舖！I.T近幾年品牌做得唔錯，每年盈利都有唔錯增長。集團一直採用「多品牌、多層次」營銷策略，用唔同的品牌組合，以及時尚設計師的魔力，打造一個潮流形象。

今時今日，大家買件靚衫，當然就係買其設計啦，係咪？同一時間，集團除不斷開發品牌之外，亦積極打通中國市場渠道。其實呢個係支強心針，只要品牌夠響，要傾銷畀同胞，絕對冇難度！

睇番數據，集團2010年度中國市場總收入上升32.9%，毛利增長33.5%，中國市場收益毛利一齊起飛！集團近幾年都維持高速增長，2007年至2011年盈利平均增長三成多，絕對夠支撐依家的17倍多市盈率！繼續追蹤，出發！

香港大學電子金融服務榮譽助理教授　徐燦傑

View the original article here